Attualità

Polu ecunomicu è finanziariu di Bastia: inchiesta nant’à a ricompra di u Club Med di Carghjese

A procura di u tribunale di Bastia hà apertu un’inchiesta nant’à e cundizione di ricompra è di rifezzione di u Club Méditerranée di Carghjese da Vatel Capital. A ghjustizia suspetta leie pussibule trà stu cartulare è membri di u grande banditismu isulanu. Un’infurmazione ghjudiziaria hè aperta pè imbianchimentu è scruccuneria in gruppu organisatu. Parechji membri di a direzzione di Vatel sò stati intesi in i lucali di l’uffiziu centrale di lotta contr’à u crimine organisatu in Nanterre. Una perchisizione hè stata fatta dinù à u scagnu di sta sucetà d’investimentu in Parigi à principiu d’ottobre.