Attualità

Nove azzione di sustegnu à Scola Corsa

I liceani si sò di novu mubilizati eri in sustegnu à Scola Corsa. In i quartieri sudu di Bastia l’entrata principale di u liceu di Montesoru hè stata bluccata simbulicamente una parte di a ghjurnata. Una mubilizazione dinù à u liceu di u Borgu induv’è l’elevi si sò adduniti davanti à l’entrata di u stabilimentu. In  Pumonte dinù a mubilisazione s’hè fatta davant’à à i licei d’Aiacciu è di  Purtivechju.  D’altre mubilisazione liceane puderebbenu  esse urganizate in i prussimi ghjorni. Marti scorsu, una milliaia di persone s’era adunita in Bastia è Aiacciu in sustegnu à e scole immersive. 

Una reunione nant’à l‘avvene di Scola Corsa hè prevista u 7 di maghju prussimu in Aiacciu, in prisenza di u rettore  è u prefettu di regione Eric Jalon. St’ultimu avia assignatu u tribunale amministrativu per cuntestà a legalità di a suvvenzione di 1,3 millione d’euri accurdata da a Cullettività di Corsica à Scola Corsa