Nutiziale culturale

'Revizor”di U Teatrinu venneri u 7 d’aostu à 9 ore è mezu piazza à u paese di Santa Maria Poghju

Cù 'Revizor,' Guy Cimino hà adattatu à l’usu bastiacciu l’opera di Nicolas Gogol, rumanzeru, puetu, autore dramaticu, criticu litterariu russiu di u 19u seculu. A pezza iniziale ghjucata in u 1835, hè una critica di u putere russiu, di l’abusi di l’amministrazione è a curruzzione. L’opera hè fundata nant’à numerose situazione comiche è inaspettate trà persunagi chì ùn si capiscenu micca. Eccu a storia: nasce u parapiglia è teni quand’omu ampara chì u 'Revizor' (ispettore di u Guvernu) ghjunghje à cuntrullà tuttu u mondu!

Panica generale quandu si sente « hè ghjuntu ! Stà ind’è Maria Carlotta ! Mi pare appena giovanu ma… » Ma cosa ? Omu ùn stà mancu à sente a fine di a frasa. L’affare hè seriu, ci vole à organizà si, pruvà di piattà chì tuttu ùn hè micca chjaru chjaru. Allora vanu à truvà issu 'Revizor' è a li provanu, li prestanu soldi è figliola è u tippu ne prufitta sin’à… ma quì ci vole à vene à vede a pezza.