Attualità

U FC Borgu campione, u Sudu FC scunfittu

Vincidori in Saint Ouen l'Aumone (1/2), i burghisgiani anu assicuratu a so prima piazza di a classifica di u gruppu D di Naziunale 3 è evolueranu a stagione prussima in Naziunale 2. 

L'ACA vincidore di Grand Quevilly (1/4) punta à a terza piazza. U SCB hè statu disfattu in casa soia contr’à l’ASPTT Caen (1/ 2) è ghjè novesimu.

In u gruppu J, Corti hà vintu Ardziv (5/4) in un scontru capitale è po sempre sperà mantenesi. U Gallia Lucciana ùn hà micca resistitu à l'efficacità offensiva di Le Rousset, squadra in testa di a classifica (2/6). U Sud FC battutu in Villefranche (2/0)  ferma à l’avant’ultima piazza di a classifica è hè oramai cundannatu à evoluà in Regiunale 1 a stagione prussima

In Naziunale 2, Furiani hà vintu è hè assicuratu di mantenesi (2/0 contr'à l'US Chantilly) mentre chì u FC Balagna hè vultatu scuzzulu da Bobigny, disfattu 2/1 . Furiani punta à a 7 ima piazza di a classifica cun 36 punti, è u FC Balagna si trova 10 imu cun 34 punti.