Attualità

U primu giru cunforta i naziunalisti in u so avviamentu

Per issu primu giru d’elezzione municipale, i naziunalisti anu cunfortatu a so implantazione malgradu e divisione. in Purtivechju cume in l’Isula, un solu giru hè bastatu per eleghje di novu Jean-Chistophe Angelini è Angèle Bastiani. In Biguglia, Jean-Charles Giabiconi vince anch’ellu largamente l’elezzioni

Issa cunfigurazione eletturale chì vede dinù i naziunalisti in pusizione di forza cume in Bastia ò Sartè, ùn deve fà smenticà ch’elli ponu dinù perde i so bastioni.

In Bastia Gilles Simeoni sorte in testa cun 35,33 % di voti, è dece punti d’avanzu nant’à Julien Morganti. Nicolas Battini hè terzu cun 16,65% 

In Aiacciu Stéphane Sbraggia u merre surtante ottene 37,84% 11% di megliu chè u so principale avversariu u naziunalistu Jean Paul Carrolaggi. 

In Sartè Christophe Mondoloni anzianu aggiuntu di u merre d’Aiacciu, è Paul Felix Benedetti sò à tocc’à tocca.

U secondu giru ferma apertu è e neguzazione sò principiate

In Costa Verde è Casinca, ùn ci serà un secondu giru. In Valle d’Alisgiani Stella Anziani hè stata eletta. A 29 anni diventa a più giovana merressa di Corsica.

In Cervioni Marc Antoine Nicolai hè statu reelettu cù 1019 voti nant’à 1079 voti sprimati. In Santa Lucia di Moriani u merre Vincent Antomarchi hà sopraffatu u so avversariu. 

In Castellare di Casinca, u merre surtante Marc-Marie Filippi hà vintu di pocu contr’à l’opposizione purtata da Jean-Marc Giammari.

In Pedicroce, u merre Pierre-Ange Sency hè statu reelettu à u termine d’una campagna frasturnata