Attualità

U situ di u festivale Porto Latino evacuatu in urgenza

Eri sera, mentre u cuncertu d’apertura di a serata è nanz’à à u cuncertu di Mosimann, u publicu di u festivale Porto Latino in Bastia hè statu evacuatu in urgenza. Una decisione presa per misura di securità per via di a ceduta d’una sciappa di u pianaghju di u parcheghju, situatu sott’à a spianata induv’ellu si trova u publicu. Più d’800 persone anu chittatu u locu in u calmu. Un ci hè micca statu feritu. U merre Gilles Simeoni era sopra locu è hà ammintatu ch’ell’ùn si pudia piglià u minimu risicu cù a securità.