Attualità

Una famiglia agressata in Linguizzetta

I fatti sò accaduti in a serata di dumenica scorsa. Una famiglia di sei persone, un coppiu d’ottant’anni, figlioli è figliulini, hè stata agressata da dui omi davant’à a so casa in paese di Linguizzetta. L’altercazione hè stata viulente è solu l’intervenzione di paisani hà pussutu metteci fine. Una lagnanza hè stata depusitata è un’inchiesta hè aperta da a procura di Bastia pè viulenze aggravate. L’investigazione sò in corsu pè determinà l’identità di l’agressori.  L’inchiesta hè cunfidata à a gendarmeria d’Aleria.