Attualità

Una pittura à l’affrescu in memoria di a giovana Chloé Aldrovandi

Realizata da l’artistu César Malfi à u principiu di u mese d’aprile nant’à una facciata di u campus Mariani di l’università di Corsica, l’opera hè una pittura à l’affrescu maiò in sfumatura di grisgiu di a giovana curtinese studiante à l’università di Corti, tomba u 15 di ferraghju scorsu in Ponte Leccia. Un’opera fatta cun l’accunsentu di a famiglia di a giovana vittima, per chì a memoria di Chloé duri eternamente.