Nutiziale culturale

25simi scontri musicali di Calinzana da u 17 à u 24 d'aostu

Dapoi 25 anni, sti Scontri sò un appuntamentu di prima trinca in u paisaghju musicale isulanu è internaziunale. Una sperienza musicale nova, in core di a natura è di i lochi emblematichi di u patrimoniu custruitu di a Balagna, cù i più famosi artisti di a musica classica è i giovani musicanti i più attalentati in 19 paesi è 23 lochi sfarenti.

Seranu celebrati i 300 anni di Pasquale Paoli cù parechji scontri è cuncerti chì lasceranu induvinà a persunalità di u Babbu di a Patria in leia cù l’Europa di i Lumi. Da Londres à Vienna, Parigi o Napuli, un imaginariu musicale – da Haendel à Mozart, da Bach à e premizie di u rumantismu cù Beethoven – s’aprerà à voi, pè fà risente l'idee di libertà è di bellezza purtate da stu seculu visiunariu.

PRUGRAMMA : https://rencontresdecalenzana.fr/