Inaugurazione di u mulinu à castagne in Ghisoni

Ghisoni
7 di ghjennaghju

Inaugurazione di u mulinu à castagne in Ghisoni

In core di e muntagne, u paese di Ghisoni hà fattu rinvivì una tradizione seculare cù l’inaugurazione di u so primu mulinu à farina castagnina di dicembre scorsu cù a presenza di u Cardinale Bustillo. Un prugettu di a merria pè valurisà u patrimoniu lucale è dà pruspettive ecunomiche à i paisani. Hè statu cuncepitu da l’artigianu Auguste Jaeger pè pruduce in modu sperimentale una tunellata di farina ma certi pensanu à pruducene sin’à trè à quattru. Cù 500 chilò di farina, un agricultore pò ottene da 7000 à 8000 euri di benefizii. A merria prevede di cunfidà a gestione à un prufessiunale ma lascendu a pussibilità di sfruttallu à i paisani.

In più, a casa cumuna di Ghisoni vole investì ind’un seccu à gasu pè ammestrà megliu u prucedimentu di preparazione di e castagne. L’ogettivu hè di facilità a trasfurmazione di i frutti rispettendu i sapè fà antichi. Avè un seccu è un mulinu sopr’à locu, ghjè una rivuluzione pè l'agricultori, cusì e tappe di pruduzzione sò simplificate è guarantiscenu u pruduttu di prima trinca. U mulinu hè dinù u locu di l’agricultori chì cumencianu à addunissi pè riflette inseme à l’avvene. Infine, pè u merre Don Marc Albertini, stu prugettu riprisenta altru chè un’innuvazione tennica. Face a leia trà passatu è mudernità pè un avvene più sulidariu è prusperu.

Evenimenti

ADECEC: Ghjurnata di u Patrimoniu u 20 di sittembre. 'C'era una volta in Cervioni...' Teatru à 6 ore di sera in corte di u museu

16 di sittembre | Cervioni

RCFM : I 20 anni di Dite a vostra ! festighjati sabbatu u 20 di settembre à l'università di Corsica, à partesi da 11 ore di mane

5 di settembre | Corti

Nutiziale culturale