Nutiziale culturale

Papa Francescu : i 14 è 15 di dicembre 2025 duie ghjurnate di celebrazione pè rammentà a so ghjunta in Aiacciu

U 15 di dicembre 2024, a Corsica campava una ghjurnata di grazia è storica. A cità d’Aiacciu ricevia u Papa Francescu. In st’occasione dicia “mi sono sentito a casa”. Pè cumemurà u primu anniversariu di a visita di u Santu Patre, a chjesa di Corsica organisava  duie grande ghjurnate di celebrazione, di memoria è di fratellanza dumenica u 14 è luni u 15 di dicembre 2025 in Aiacciu. Principiava sta dumenica à meziornu è quartu cù un’accolta à u battisteru San Ghjuvanni, un discorsu è l’inaugurazione d’una mostra di ritratti. A duie ore è quartu, prucessiò da u battisteru à a catedrale passendu pè a Madunnuccia. À 3 ore, una messa sulenne era presidata da u Cardinale François Bustillo. A 4 ore è mezu, cuncertu piazza à a catedrale in memoria di Papa Francescu.

Luni u 15, propiu un annu dopu, un locu di spassighjata 'Papa Francescu' era inauguratu à 10 ore è mezu, in presenza di u merre Stéphane Sbraggia, è benedettu da u Cardinale. Era svelata una placca. A meziornu, i campanili di l’isula ribombavanu. A meziornu è quartu, tutti i stabilimenti catolichi campavanu una stonda di preghera cù i pallò “culombe di a pace” mandati per aria. Infine, a sera à 6 ore è mezu, e cumunità cristiane celebravanu una messa o una veghja di preghere.