Nutiziale culturale

A Cullettività di Corsica hà acquistatu a seconda parte di u manuscrittu di a Giustificazione di Don Gregorio Salvini

Un pezzu di storia di a Corsica hà da ritruvà l’isula. Sta compra hè stata fatta vicin’à Madama Bacchini, nata Salvini, ereda direttamente di a surella di l’autore. Stu bè di prima trinca era dapoi sempre firmatu in u patrimoniu famigliale grazia à u caccaru di a vinderola, Jean Ambroise Nicolas Grégoire Salvini. U manuscrittu di l’annu 1758 hè un’opera unica avendu un valore storicu, patrimuniale è simbolicu eccezziunale, ch’ella sia à u livellu di a Storia di Corsica è di u ribombu in l’Europa di i Lumi sana sana à u XVIIIu seculu. L’opera ricensa 160 casi di gattiva ghjustizia o di gattiva amministrazione in l’isula per via di a republica di Genuva, è dunque ghjustificheghja e rivuluzione di Corsica nate à parte da u 1729. 

Ghjè dinù nant’à una copia di stu testu chì u Presidente di l’Esecutivu di Corsica, l’Esecutivu di Corsica, u Presidente è dopu a Presidente di l’Assemblea di Corsica anu ghjuratu u 17 di dicembre di u 2015, durante a so presa di funzione. 

U manuscrittu di a 'Giustificazione' serà presentatu publicamente durante a prossima sessione di l’Assembea di Corsica i 20 è 21 d’aprile. Una cunferenza di stampa hè prevista luni 20 d’aprile à duie ore in u salottu Danielle Casanova, cù Madama Bacchini nata Salvini. A CDC li vole rende omagiu publicamente pè a so scelta di fà entre stu manuscrittu magnificu in u patrimoniu cumunu di a Corsica è di u populu corsu.