Nutiziale culturale

Camera pulitica, u secondu festivale di u filmu impegnatu da u 25 à u 29 di nuvembre à u spaziu Carlu Rocchi di Biguglia

Un festivale organisatu da l’associu Arte Mare è et Christophe Bourseiller, scrittore, storicu, omu di radiu. S’interessa à e prublematiche di sucetà cun sedeci filmi premiati in u mondu sanu. Sò diffusati pè a prima volta ufficialmente o nanzu a so surtita ufficiale. Hè stata invitata in particulare a rialisatrice Anne Fontaine.

Avemu i drami storichi d’Olivier Assayas è di Faith Akin, « Le Mage du Kremlin » è « Une enfance allemande : Ile d’Amrum 1945 », permettendu di capì megliu a Russia dopu l’URSS è l’Allemagna di dopu guerra. Dopu, « A pied d’œuvre » di Valérie Donzelli è « Kika » d’Alexe Poukine evucheranu l’uberisazione chì minaccia i diritti di u travagliu. Un ci vulerà micca à mancà a perfurmenza di Virginie Efira, militante di i ghjilecchi gialli, in u filmu « Les braises » di Thomas Kruithof.  U filmu corsu serà riprisentatu da « Ceux qui n’y étaient pas » di Maria Francesca Valentini è Jean-Louis Orlandetti nant’à u tema di l’evenimenti d’Aleria. D’altrò, testimunianze pè a pace seranu diffusate : u rialisadore israelianu Roni Vainer presenterà trè filmi corti è « La Voix de Hind Rajab » di u rialisadore Kaouther Ben Hania rammenterà cun veri arrigistramenti telefonichi l’ultime stonde d’una zitella palestiniana. 

Tutti sti filmi seranu seguitati da discussione cun cineasti o specialisti. Giurnalisti si sprimeranu durante u dibattitu nant’à « crisa di u puliticu ? » crisa di u giurnalismu, prova di u bilanciu ». L’invitati scuntreranu l’elevi à u cullegiu di Biguglia cun l’idea chì u cinema pò aiutacci à pensà u mondu subitu à parte da a zitellina. 

Infurmazione è biglietteria : camerapulitica.fr