Nutiziale culturale

Cullocchiu di a rivista Lumi : chì fà di a lascita di i Lumi à u XXIu seculu ? i 13 è 14 d’ottobre, sala immersiva UMR LISA in Corti

Stu cullocchiu nant’à u tema « Chì fà di a lascita di i Lumi ? » hè organisatu da  u laburatoriu LISA Università di Corsica/CNRS è a Catedra Unesco « Devenirs en Méditerranée », ind’a cuntinuità di u prugramma di ricerca « Paoli-Napulione », in quant’à i studii nant’à e persunalità di a storia di a Corsica di i Lumi è di e rivuluzione è a valurisazione economica di sti travaglii. Parechje tematiche seranu trattate : 

• L’aversari riazziunari di i Lumi oghje.

• I nemichi di i Lumi in u paisaghju puliticu occidentale di u XXIu seculu.

• A critica postculuniale di i Lumi.

• I Lumi, una risorsa pè a liberazione di l’ultime culunie in stu principiu di millenariu ?

• I principii di i Lumi, cuerenza è diversità…

• A Corsica è i Lumi : trà lascita taliana è arrecata francese.

• Pasquale Paoli, un omu di i Lumi ?

• L’imaginariu di i Lumi ind’a litteratura cuntempuranea.

• I Lumi, da e riprisentazione à a rialità.

• I Lumi, un mitu mubilisadore ?

L’atti di u cullocchiu seranu publicati ind’u sestu numeru di a rivista Lumi è e rivuluzione dispunibule nant’à m3c.universita.corsica/lumi