Attualità

Lola Tremellat doppia campione di Corsica di Tennis

A giovana licenziata di u TC Costa Verde hè torna doppia campione di Corsica in 2nda seria è in a so categuria di 15/16 anni. Hà difesu i so tituli cun successu è s'hè imposta  in a listessa ghjurnata nant'à e duie cumpetizione, nanzu di piglià l'avviò per u Maroccu induv'ella deve participà à un turneu ITF .

In finale 2 nda seria, Lola Tremellat s'hè imposta in trè partite contr'à Audrey Albert di u TC Lucciana (6/7, 6/0, 6/0).

Oghje à u centru territuriale di Lucciana si ghjocanu l'altre finale d'issi 40 imi campiunati di Corsica. A finale di seconda seria omi hè prevista versu un ora è mezu nant'à u corsu centrale. Una finale inedita chì oppene Lisandru Rodriguez à Jules Gally.