Attualità

Quattru persone interpellate dop'à l'agressione in Linguizzetta

Quattru persone sò in guardia custodia in i lucali di a brigada di gendarmeria d'Aleria in u quadru di a viulente agressione cumessa in u paese di Linguizzetta induve una famiglia di sei persone hè stata assaltata è ferita davant'à u so dumiciliu in a serata di u 9 d'aostu scorsu. Li hè statu interdettu l'accessu à a so casa, nanzu d'esse minacciati è viulentati. 

Fatti chi serebbenu a cunsequenza d'una letica stradale mentre chì e vittime rientravanu in  casa soia in Linguizzetta dop'à avè festighjatu l'anniversariu d'un giovanu membru di a famiglia. E circustanze precise fermanu à esse determinate da l'inchiesta in corsu.