Attualità

U rettore face a rientrata in Cervioni

U rettore di Corsica Rémi François Paolini hè in Cervioni per a rientrata di u cullegiu Filippu Pescetti induv'ellu hà svelatu e grande orientazione 2025/2026. Lingua corsa, intelligenza artificiale, securità, gestione di i telefunini. Hà ammentatu dinù u so pianu scola corsa 2030. Una rientrata incù riprisentanti di a Culletività di Corsica Marie-Antoinette Maupertuis è Paola Mosca, u senatore Paulu Santu Parigi è u deputatu François-Xavier Ceccoli. 

In Cervioni, s'hè resu à u museu Anton Dumenicu Monti di l'Adecec accompagnatu da l'inseme di a squadra pedagogica di u cullegiu cerviunincu. 

Anu discorsu cù u presidente di l'Adecec di i prughjetti liati à a lingua corsa à prò di i sculari : visite immersive, amparera di u chjami è rispondi è edizione d'un dizziunariu monolingua sò stati dibattuti.