13 di ghjennaghju
Cunsulta per l'avvene di u cunventu d'Orezza
Davant’à u cunventu d'Orezza, l'associu Terra è Ghjente d'Orezza hà urganizatu a so prima addunita pè mubilizà à prò di a salvezza di l’edifiziu. Un prugettu chì entre in u quadru di A strada Paolina, itinerariu di scuperta nant’à i passi di Pasquale Paoli. Un’addunita assai simbolica davant’à un cunventu testimone di a Cunsulta d’Orezza, in u 1735, chì ricusava a duminazione genuvese è induve nascia un prugettu di custituzione.
A ghjurnata s’hè urganizata in trè stonde : a cunniscenza di a cunsulta, infurmazione nant’à u cunventu nanzu à a so distruzzione è l'analisi d'una pittura di Maurice Utrillo, riprisentendu u cunventu chì face parte di a storia di l’arte. S’hè parlatu dinù di u so dipositu permanente in Corsica.
L’affrescu storicu, presentatu durante l’apertura di a ghjurnata, hè statu a stonda maestra di a ghjurnata. Una teatralizazione nuvatrice, cù Benjamin Casinelli, guida turistica cumediente pè interpretà à Luiggi Giafferi è cù a participazione d’Alexandra Mousset-Campana.
Dopu à l’affrescu storicu, ci hè stata una cunferenza d’Antoine-Marie Graziani chì hà parlatu d'un documentu di l’8 di ghjennaghju di u 1735, chì stabilisce a cunsulta in cunventu d'Orezza è micca in Corti cum’ellu si credia.
Seguitava l'intervenzione di Jean-Pierre Marsily, una di e memorie orezzinche, chì cuntava u cunventu nanz’à a so distruzzione, una parte di a storia cuntempuranea di l’edifiziu è di ciò ch’ellu riprisentava. Hè intervenutu dinù Jean-Joseph Albertini, chì hà parlatu di a famosa pittura di Maurice Utrillo. D’altrò, u merre di Pedicroce, Pierre-Ange Sensy, hà annunziatu chì u cunventu era un 'bè senza maestru' è chì e dimarchje pè a so compra è a maestria di u fundiariu avianu da esse ingagiate. Dumandava dinù u sustegnu di a Cullettività di Corsica. Prugettu chì Gilles Giovannangeli, membru di l’esecutivu è riprisentendu u presidente Gilles Simeoni, hà dettu l'interessu è a vuluntà di a CDC d’impadruniscesi : 'Simu ind’un prugettu territuriale in u quadru di u prugettu A strada Paolina (...) à prò di u sviluppu lucale à longu andà.' U deputu è presidente di u cumitatu di massicciu Jean-Felix Acquaviva hà insistitu dinù nant’à l’impegnu di u mondu assuciativu grazia à l'azzione di l'associu Terra è Ghjente d'Orezza. St’ultimu hà uffizializatu u so statutu di forza di pruposta è di riflessione pè u sviluppu di l’Orezza, cù l'ogettivu di fanne un territoriu pilotu di a riflessione è di l'azzione pè u rinnovu di u mondu rurale.
Evenimenti
Fiera di San Brancà da u 9 à u 12 di maghju
2 di maghju | U Castellà di Casinca
Ricordu di Ponte Novu l'8 di maghju
30 d'aprile | Ponte Novu
Pasquale Paoli, l’Ora di u Ritornu - I Fochi Paoli s'invitanu
22 d'aprile | Da L'Isula à Merusaglia
In Cervioni, cullegianti ricustituiscenu un scontru trà Pasquale Paoli è James Boswell
8 d'aprile | Cervioni
Prugrammazione di e cummemurazione di a catastroffa di Furiani
3 d'aprile | Corsica è Marseglia
300 anni di a nascita di Pasquale Paoli: a CDC hà presentatu so prugramma d’evenimenti
29 di marzu | Corsica
Corti : hè nata a prima cunfraterna studiantina di Corsica
13 di marzu | Corti
U Parcu Galea in Tagliu Isulaccia riapre dumenica u 16 di marzu 2025
1u di marzu | Tagliu Isulaccia
Una franchizia Pasquale Paoli pè i 300 anni di a so nascita
28 di ferraghju | Corsica è Francia
I 300 anni di a nascita di Pasquale Paoli cù u storicu Antoine-Marie Graziani
27 di ferraghju | Corsica
I 50 anni di l'evenimenti d'Aleria : participate à ssa memoria !
21 di ferraghju | Aleria
E cumemurazione pè i trè centu anni di a nascita di Pasquale Paoli principianu cù “Paoli in Lumi”
31 di ghjennaghju | Corsica
I trent’anni di carriera d’Eric Fraticelli è u so novu spettaculu What happened ?
31 di ghjennaghju | Corsica è altrò
Sustenite a petizione pè l’iscrizzione di u chjam’è rispondi ind’u patrimoniu culturale immateriale !
24 di ghjennaghju | Internet
Inaugurazione di u mulinu à castagne in Ghisoni
7 di ghjennaghju | Ghisoni
Scuperta archeologica di prima trinca in Aleria
16 di nuvembre | Aleria
I laureati di u premiu di u libru corsu 2024 onorati
1u d'ottobre | Bastia
I dece anni di u spaziu Carlu Rocchi in Biguglia
3 di settembre | Biguglia