Nutiziale culturale

Festa di u ficu da u 12 à u 14 di settembre in piaghja di I Peri

Stu fruttu savuritu serà à l’onore durante una fiera chì face parte di a FFRAAC (Federazione di e Fiere Rurale Agricule è Artigianale di Cismonte). Solu l’artigiani è pruduttori sò accettati. A u prugramma dinù i ghjorni di cunferenze nant’à l’arburu cù visite nant’à u situ, scontri cù i respunsevuli di a Camera d’agricultura di Pumonte è u sindicatu di i Giovani Agricultori, attellu di i sapè fà rurali, cuncorsu di cunfitture, mercatu è infine serate canterine. U 14, serà l’apertura ufficiale di a festa di u ficu cù più di 70 artigiani è un pruduttu impurtante pè a valle di Peri. I pepinieristi di Castellucciu è u sindicatu di a cultelleria corsa participeranu. In più, un cultellaghju funderà u bronzu. Quist’annu, serà a nascita ufficiale di a cunfraterna di u ficu chì u patronu hè San Bartulumeu cù a benedizzione di u prete chì benediscerà a fiera.