Nutiziale culturale

Nova serata di chjam’è rispondi à l’auditoriu di Pigna sabbatu u 27 di dicembre à parte da 5 ore

Dapoi u 1986, ogni annu, si ritrovanu i pueti impruvisadori pè u tradiziunale chjam’è rispondi à l’auditoriu di Pigna organisatu da l’associ ADECEC è Voce. U prossimu appuntamentu hè sabbatu u 27 di dicembre. Una stonda aperta à u publicu pè scambii puetichi impruvisati è cantati cù pueti d’ogni età. Una tradizione arradicata in stu paese.

PRUGRAMMA

5 ore : chjam’è rispondi trà generazione di pueti

8 ore : cena à a casa musicale è chjam’è rispondi.

CHJAMA À I PUETI di Jacques Ferrari di Piubetta

« L’ocellu alisgianincu si n’hè ghjuntu in nu so locale
E cusì a rundinella stende torna e so ale
E cumu e feste sò vicine vi « sueta » un bon Natale.

Per ch’ellu ùn si spinga mai a fiamma di a puesia
Chi Natale è Capu d’annu sianu sempre in armunia
E chì a riunione in fin d’annata si passi tutta in allegria.

A l’Auditorium in Pigna u vinti sette dicembre à cinq’ore
Vi invitanu quelli di a casa è a facenu di bon core
Sapendu chì a puesia li vorrete fà onore.

Serete aspettati tutti quelli di u contrastu
Un ci serà micca premiu mancu vi feremu un ritrattu
Ma di contentà a ghjente què sera u vostru fattu !

Què serà u vostru fattu sò chì a fate volenteri
E forse di cantà in Pigna ne serete ancu fieri
Preghendu per chì dumane or sia megliu chè eri. »

Pè u publicu, riservazione obligatorie pè u pranzu:
- 04 95 61 77 31 
- resa@casa-musicale.org