Nutiziale culturale

Purtivechju : Paoli 2025 – U tempu di l’esiliu venneri u 13 di ghjugnu

Pè i 300 anni di a nascita di Pasquale Paoli, Portivechju s’addunisce à e celebrazione cù l’omagiu di stu venneri 13 chì ramenta a partenza di Paoli da Purtivechju pè l’Inghilterra u 13 di ghjugnu di u 1769. Una partenza dunque dopu a disfatta di Ponte Novu cù u so guvernu pè u Tempu di l’Esiliu.

Un tempu di l’esiliu cù un cuncertu video arrigistratu à u Bastione di Francia nant’à a terrazza chì suprana e cunfine mediterranie. Hè u risultatu d’un travagliu durante residenze d’artisti pè creà i testi è e musiche nant’à a vita di Paoli, in particulare l’esiliu. Prestu a mane, serà diffusatu nant’à e rete di a cità a video di i studianti di u diplomu “Musiche tradiziunale di Corsica è di Mediterraniu (Università di Corsica Pasquale Paoli è di l’IESM Istitutu Supranu d'Insignamentu di a Musica d’Ecchisi) cù Philippe Biondi.

L’omagiu principia nant’à a Calata Paoli
• 10 ore : Cunferenza teatralisata « L’indipendenza, l’isula chì schjarisce l’Europa » è spassighjata cù i sculari, da u Bastione di Francia à a Marina. Fasci di fiori seranu posti davant’à u bustu di Pasquale Paoli.

Bastione di Francia
• Meziornu : apperitivu, inaugurazione di u pannellu di mostra nant’à Pasquale Paoli, di l’affrescu è di a video diffusata nant’à u Bastione cù tutti l’artisti.

Piazza’llu Quartieri
• 7 ore : Cuncertu di i studianti di u diplomu “Musiche tradiziunale di Corsica è di Mediterraniu è apperitivu à a sala rossa

Sala rossa
• 9 ore : Cuncertu di l’Arcusgi