Nutiziale culturale

Trè centu anni di Pasquale Paoli : Cunferenze è una mostra bislingua sabbatu u 18 d’aprile à 3 ore, à a cunfraterna San Stefanu in Belgudè

Si compienu e cunferenze pè l’anniversariu di Pasquale Paoli sabbatu u 18 d’aprile, da 3 ore à 5 ore, in a Cunfraterna San Stefanu in Belgudè. L’evenimentu entre in u prugramma « Paoli 2025 », purtatu da a Cullettività di Corsica. Stu scontru in corsu è in francese si funderà nant’à duie cunferenze è dopu a presentazione d’una mostra nova fatta apposta pè st’annu cumemurativu.

A prima cunferenza nant’à “Paoli da babbu di a Patria, una lascita antica”, serà animata da Pierre Couvidat-Gherardi. Hà da studià a significazione storica di u titulu di “Babbu di a Patria”, da l’Antichità à l’epuca muderna, cù persunalità cum’è Romulus o George Washington, pè capì megliu a piazza di Paoli in sta tradizione. Pierre Couvidat-Gherardi s’interesserà dinù à persunalità corse pudendu esse cunsiderate anch’ellu “babbi” o “mamme” di a patria.  

A seconda cunferenza, Sacralisazione Paolista, pruposta da Pierre-François Marchiani, analiserà a custruzzione di a memoria di u persunagiu. Da a so storia à a so dimensione mitica, u cunferenzeru evucherà e sfarente tappe avendu cuntribuitu à sta “sacralisazione”, dapoi a vultata di e cendere di Paoli in u 1899 sin’à a nostra epuca. Seguiterà a presentazione di a mostra bislingua « A vita di u ‘Babbu di a Patria’ in u so cuntestu storicu », rialisata da l’INEACEM (Institut d’Études Appliquées des Civilisations et des Espaces Méditerranéens). Cusì, u publicu hà da ritruvà a vita è u percorsu di Paoli in u so cuntestu storicu. L’entrata hè gratisi è a mostra hè aperta sin’à 6 ore è mezu.