Nutiziale culturale

Raid Oxy Jeunes aventure - A Sfida Natura da u 5 à u 7 di ghjugnu di u 2026

Da u 5 à u 7 di ghjugnu di u 2026, a Cullettività di Corsica urganizeghja a 18a edizione di u Raid Oxy’Jeunes Aventure - A Sfida Natura, un evenimentu cù sfida sportiva, spiritu di squadra è sensibilizazione à l'ambiente. Destinatu à i giovani da 14 à 17 anni, st'evenimentu gratisi si svuglierà quist’annu in u Taravu Sartinesi Valincu. U Raid Oxy’Jeunes si face in u quadru di e pulitiche publiche pè a giuventù è spurtive di a Cullettività di Corsica. L’ogettivi sò di prumove l’attività spurtive ind’a natura, favurisà a salute è u benestà di i zerbinotti grazia à un accessu gratisi. ​

A u prugramma, trail, corsa d’orientazione, VTT è attività surprese cù una squadra medicale è giovani inquadrati da prufessiunali. In più di a sfida sportiva, u Raid Oxy'Jeunes hè una vera sperienza educativa. Spartuti in squadre di trè, i participanti amparanu à gestisce u so sforzu, à aiutassi trà d'elli è à piglià decisioni inseme. I giovani devenu dinù rispettà una cartula pè prumove i cumpurtamenti rispunsevuli. L'iscrizzione hè gratisi cù albergata è ripasti cumpresi. Omu pò iscrivesi sin’à u 30 d’aprile di u 2026. U cartulare d’iscrizzione è u regulamentu spurtivu sò dispunibuli nant’à u situ www.isula.corsica/raidoxyjeunes.