Nutiziale culturale

44u festivale Arte Mare in Bastia è Biguglia da u 2 à u 17 d’ottobre

Durante sti nove ghjorni, u festivale mette à l’onore a ghjustizia à u sensu largu cù una prugrammazione cuncogliendu cinema, litteratura, dibattiti, mostre è gastronumia. Arte Mare si scumparte à l'Alb'Oru, à u cinema Le Régent è à u Spaziu Carlu Rocchi di Biguglia. A u prugramma l’inugualità suciale, ecunomiche è pulitiche è e quistione d'ugualità trà e donne è l’omi. U cinema mediterraniu, in leia cù e rialità di u so territoriu, serà in core di sta riflessione. Scontri è dui dibattiti, cù Marc Biancarelli, Jean-Guy Talamoni, Jacques Dallest è Joris Giovannetti anu da cumpletà e prughjezzione. Quasi 70 invitati sò aspettati, frà elli Gérard Jugnot, invitatu d’onore u 4 d’ottobre. Presenterà u so primu filmu, « Pinot simple flic », u novu, « Mauvaise Pioche ». Participeranu dinù u scrittore Boualem Sansal, laureatu di u premiu Ulysse pè a so opera, Khalil Cherti, Zahia Dehar, Valeria Bruni-Tedeschi, Robert Guédiguian, Claire Nadeau, Jacques Pradel, Vincent Perez, Fabien Onteniente, Charlotte Silvera, Gérard Guerrieri, Karine Silla, Robert Salis, Anthony Morganti, Alexia de Mari, Aurélien Peilloux Paul Nouhet, Louis Memmi, Colomba Giovanni…

U 3 d’ottobre à u centru culturale Biguglia, ci serà un scontru nant’à a quistione ' A ghjustizia serà ghjusta ? '. U 10 à l'Alb'Oru, un secondu dibattitu serà cunsacratu à a ghjustizia è à a viulenza in Corsica da u XVIII^u seculu à a nostra epuca. Arte Mare mantene dinù e so trè cumpetizione di filmi mediterranii, corsi è à e scole di cinema mediterranie. 

Prugrammazione : https://www.arte-mare.corsica/