Nutiziale culturale

Cuncertu spirituale 'I setti ultimi parolli di u nostru ridentori in croci' catedrale d'Aiacciu marti u 31 di marzu à sett'ore

In u quadru di a Settimana Santa, a catedrale Santa Maria Assunta accoglie marti u 31 di marzu à 7 ore « I setti ultimi paroli di u nostru Ridentori in croci », un cuncertu spirituale di prima trinca, sott'à a presidenza di u cardinale François-Xavier Bustillo è interpretatu da u Quatuor Isula. St'opera hè stata cummandata in u 1786 à u cumpunidore Joseph Haydn da a chjesa Santa Cueva di Cadix in Spagna. Avendu una bellezza prufonda, sparghje un'intensità dramatica chì u testu lettu da un recitante vene ancu à rinfurzà pè una sperienza immersiva induve musica è parolla si rispondenu. A l'Intruduzzione, un'apertura lente è sulenne stalla un'interiurità prufonda. U publicu hè invitatu à entre in u misteru di a Passione, guidatu da una musica avendu una forza spressiva maiò.

E sette sunate traducenu e parolle di u Cristu cù finezza è intensità. Facenu nasce à quandu cumpassione, quistiunamentu, dulore, abbandonu è appaciamentu. L'opera si compie cù 'Il terremoto', ricurdendu u terramotu chì seguita a morte di Cristu lascendu un'impronta prufonda è durevule. Stu cuncertu spiriturale hè una stonda trà musica, fede è emuzione in core d'un locu pienu di storia è di sensu. U quatuor à corde Isula interpreteghja una di e quattru versione pruposte da u cumpunidore stessu. L’entrata di u cuncertu serà di rigalu, cù una participazione pussibule à prò di i seminaristi è di i preti di a dioccesi d'Aiacciu.