Voce Nustrale

Nutiziale culturale

Ouessant
17 di lugliu

Dui premii di u libru isulanu 2021 pè l'edizione Albiana

Dui libri à l’edizione Albiana sò stati premiati da a ghjuria di a spusizione internaziunale di u libru isulanu 2021 d’Ouessant. “Grandeur et misère des bandits de Corse” di Caroline Parsi è Jacques Moretti è “Les autres en Corse” di Liza Terrazzoni. E dutazione finanziarie sò attribuite à l’autori per via chì u premiu di u libru isulanu 2021 ricumpensa a creazione cuntempuranea d'oghje. Ogni tantu, u premiu po ricumpensà u travagliu d’un editore isulanu. In a selezzione, ci eranu più di 70 libri publicati da aprile 2019 à aprile 2021

U Grande premiu hè statu attribuitu à “Grandeur et misère des bandits de Corse” di Caroline Parsi è Jacques Moretti. Una ricumpensa pè e so qualità à tempu litterarie è scientifiche. In modu precisu, cu una documentazione rimarchevule è un’illustrazione affascinente, « Grandeur et misère des bandits de Corse » hè un battellu chì ci permette di trattà di stu banditu disprezzatu, nemicu di a regula suciale, ma chì interpelleghja dinù. Dopu esse statu à quandu un ribellu, un brigante, un criminale o un “omu d’onore” hè statu dinù un disgraziatu chì campa in machja, un ghjocu di u destinu, un omu scunsulatu, ricercatu… St’opera hè un viaghju nant’à 150 anni di storia, cù più di 600 illustrazione, ritratti o documenti d’archivii. E mille sturiucce di sti fora di lege  cumponenu u famosu banditu di a sucetà corsa è u so “codice di l’onore”. U libru hè un rumanzu, un libru illustratu, una fascia figurativa, un giurnale, un chjassu ramificatu induve spassighjeghja u lettore. Ci và, ci si perde, volta nant’à i so passi. Si dumanda perchè ste vite sò cusì turmentate. Un’opera storica, umana, oghjinca è chì ùn si sminteca. « Grandeur et misère des bandits de Corse » hè una riferenza essenziale di a Corsica è di l’isulanità. Sta qualità purtata da a so ricchezza storica, a so prublematica è a so qualità edituriale li facenu ottene u Grande Premiu di a 23a Spusizione di u Libru Isulanu

Pè a litteratura scientifica, a ghjuria hà ritenutu “Les autres en Corse” di Liza Terrazzoni. Un’inchiesta sociologica rimarchevule chì interrugheghja i fundamenti suciali, storichi è pulitichi di e rilazione trà “l’altri” è i “corsi”’. Un libru chjaru, piacevule da leghje è chì ci face riflette nant’à e nuzione d’identità, di sclusione. Un’opera chì parla di a Corsica ma chì parechji aspetti ponu interrugà a storia d’altre isule.

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza