1u di ferraghju
Hè esciutu l'Atlas de la Corse contemporaine
Hè esciutu “L’Atlas de la Corse contemporaine” scrittu da 11 universitarii è direttu da Didier Rey à l’edizione Actes Sud. Un sguardu nant’à un territoriu grazia à u studiu di a so storia, a so econumia, e grande quistione di a so sucetà, di a so cultura è di u so universu puliticu. Una riferenza in u tempu pè una sucetà primurosa d’analizassi ella stessa. Hè accumpagnatu di documenti cartugrafichi è altre infugrafie pè infurmà è fà capì. Un libru accessibile à tutti è cù una qualità scientifica accertata grazia à a participazione d’11 universitari.
Stu travagliu cullettivu hè statu fattu per via chì l’ultimu atlas nant’à a Corsica hè di l’annu 2004, scrittu da Georges Ravis-Giordani. Dapoi quasi vint’anni, l’isula hà avutu parechje trasfurmazione suciale, economiche è pulitiche. Luntana da a manera di vedela cum’è un paese di cuccagna cù paisaghji priservati, si presenta cum’è un territoriu minacciatu, rosu da l’inegualità, impuveritu è toccu da a maffia. Cù st’atlas, avemu dunque un studiu precisu di i sfarenti aspetti di a Corsica cuntempuranea. Sò evucati a diversità religiosa, e sfarente viulenze contr’à e donne, a viulenza stradale, u banditisimu, u razzisimu, a situazione di l’immigrazione, l’indibuliscimentu di u territoriu, a piazza di i sporti, u rolu di i media… Un esempiariu hè statu mandatu à ogni presidente di gruppu à l’Assemblea di Corsica pè ghjuvà à l’eletti isulani è à tutte e persone chì volenu capiscela è cunsiderà u so avvene.
Evenimenti
Currilingua quinta edizione, sabatu u 17 d’ottobre da Cavru à Aiacciu
9 di settembre | Da Cavru à Aiacciu
8a Camerata Figarella da u 18 à u 27 di settembre
8 di settembre | Cismonte
Festivale Arte in machja da u 18 à u 20 di settembre in Venacu
8 di settembre | Venacu
38a edizione di i scontri di canti pulifonichi da u 14 à u 19 di settembre
8 di settembre | Calvi
Quintu Festiv’Aleria Antica da u 5 à u 20 di settembre
5 di settembre | Aleria
Chjama à signà u manifestu pè a lingua. Scola corsa puderebbe sparì !
30 d'aprile | Internet
Mostra 'Nuragica' à u Museu di l'Alta Rocca in Livia sin’à u 30 di settembre
23 di ghjennaghju | Livia
CdC: mostra numerica « A missione Helbronner, un'epupea scientifica è umana par’ssi alti monti corsi »
9 di ghjennaghju | Internet
U Chjam'è Rispondi iscrittu à u Patrimoniu culturale immateriale francese
18 di dicembre | Parigi
8 di dicembre : Festa di l'Immaculata Cuncezzione è di a Nazione
2 di dicembre | Corsica
RCFM : I 20 anni di Dite a vostra !
5 di settembre | Corti
U novu ecomuseu di Bastelicaccia
29 d'aostu | Bastelicaccia
Un portu anticu scupertu da l'INRAP in Meria
17 di lugliu | Meria
L’Antiquariu San Ghjuvanni in Aiacciu
9 di lugliu | Aiacciu
In Cervioni, cullegianti ricustituiscenu un scontru trà Pasquale Paoli è James Boswell
8 d'aprile | Cervioni
300 anni di a nascita di Pasquale Paoli: a CDC hà presentatu so prugramma d’evenimenti
29 di marzu | Corsica
