Nutiziale culturale

Imaginà, i scontri bastiacci di l’imaginariu da u 6 à l’8 di marzu ind’e e mediateche di a cità è à u cinema Le Régent

Imaginà invita i chjuchi è i maiò à splurà e pianete, d’altre sucetà è d’altre manere di pensà l’umanità. Un appuntamentu pè sunnià, creà, dibatte è imaginà inseme u futuru. Cusì, durante trè ghjorni, sò previsti scontri d’autori è d’autrice assignalati, attelli creativi, prughjezzione, ghjochi, musica è spettaculu vivu.

Venneri u 6 di marzu

 Mediateca Centru Cità

6 ore : Scontru cù Anouk Langaney nant’à u so ultimu libru “L’invasion de la planète barbare” à l’edizione Syros. Un rumanzu immersivu chì conta a guerra trà dui populi nemichi immersivu perchè iu lettore deverà sceglie s’ellu face parte di unu o l’altru di sti populi. L’opera hè pè e persone à parte da 11 annu

Sabbatu u 7 di marzu

 Mediateca Centru Cità

10 ore : un’invitazione à u publicu pè parlà di a so lettura di libri di fintascienza

Da duie ore à 4 ore : Lettura musicale è attellu plasticu « Planète Ose » pè i zitelli da 7 à 10 anni cù iscrizzione. L’illustratrice Jocelyne Glond animerà una lettura musicale è dopu un attellu plasticu pè creà erdigni spaziali è persunagi straterrestri chì permetteranu di vultà nant’à a pianeta Ose.

Da 2 ore à 4 ore : Ciné’Gaming « Omi è mascine » à parte da 15 anni. Una stonda di ghjocu video cullettiva induve interpreterete persunagi umani è androidi è vi tuccherà à fà scelte filosofiche è murale chì influenzeranu u filu di a storia.

Mediateca Barberine Duriani

Da 9 ore è mezu à 11 ore : Cù Élodie di « l’Attellu di i Zitelli ». Anu da creà ogetti di finta scienza. L’occasione di stimulà a creatività, l’imaginazione…

 Duie ore è mezu à 4 ore : Scopre musica cù Emmanuelle Mariini chì ci prupone un’immersione in l’universu di e musiche di fintascienza emblematiche. Venite à scopre cumu i cumpunidori anu imaginatu e musiche futuriste.

6 ore : Reunione nant’à u tema « Pensà i futuri » cù l’autori Ugo Bellagamba è Anouk Langaney, l’artistu Pierre Gambini. Un scontru animatu da Mathieu Graziani (insignante à l’Università di Corsica). Autori, scrittori è artisti rifletteranu nant’à e visione pessimiste o nò di u futuru è aldilà nant’à a ghjustizia, a libertà, l’umanità.

Centru Culturale Alb'oru

8 ore  : Spettaculu A Legenda di Pierre Gambini. Influenzatu da a distupia, vale à dì u fattu di riprisentà una sucetà imaginaria dittaturiale, ghjè una fola musicale critica nant’à a nostra sucetà di cunsumazione riprisentata da una cità induve e faccende di l’abitanti sò strane. U travagliu, a pulizza è ancu a viulenza sò spariti ma a ghjente senza cuscenza nè spiritu criticu, campa ind’una dittatura accettata, induve avemu modi di campà chì ùn sò micca umani. Stu spettaculu hè in fatti una caricatura di a rialità attuale.

Dumenica l’8 di marzu

 Mediateca Centru Cità

10 ore à meziornu : Viaghju intergalatticu à parte da 10 anni cù iscrizzione. Imbarcate pè una vera aventura induve avete da creà è incarnà un persunagiu d’una storia cullettiva strasurdinaria cù altri ghjucadori.

2 ore è mezu : Cunferenza di Ugo Bellagamba nant’à « Ciò chì a fintascienza face à e donne, ciò chì e donne facenu a fintascienza”. Universitariu è specialistu di u generu, Ugo Bellagamba studierà e riprisentazione di e donne in a fintascienza è u role di e scrittrice chì anu trasfurmatu stu generu narrativu. Hè vera chì l’8 di marzu hè a ghjurnata di a donna

Cinema Le Régent

6 ore è mezu : Les Fils de l’homme d’Alfonso Cuarón cù Julianne Moore, Clive Owen è Michael Caine rialisatu in u 2006. A storia si passa in a distupia, una sucetà imaginaria dittaturiale.