24 di ferraghju
L’estru canterinu d’Anghjula Potentini : u spettaculu Passu à Passu pè i so vint'anni di carriera
L’artista isulana festighjeghja, in u 2024, in so vinti anni di cantu. Per marcà l’evenimentu, un spettaculu « Passu à passu » hè privistu. L’occasione di sfuglià un percorsu di passione… . U cantu, qualcosa di naturale per una donna chì t’hà e so radiche in Poghju d’Oletta, in u Nebbiu. « Sò stata allevata à mezu à u cantu, spiega l’artista, u mo babbu cantava ma micca solu ellu. Face chì l’arechja s’hè furmata in munudia ma dinò in pulifunia ch’ùn hè più, oghje, un cantu solu maschile. »
Anghjula face a so strada è principia u so percorsu canterinu cù u gruppu feminile, e donne di l’esiliu, à mezu à Jacky Micaelli, Béatrice Habrard-Malaspina, Elisabeth Bottalico è Izia Bartoli-Dau chì esce un dischettu solu di pulifunia à l’iniziu di l’anni 2000.
In u 2005, Anghjula decide di travaglià intornu u so primu dischettu ma sola sta volta. Hè a nascita di « Lettera d’amore » chì addunisce creazione cum’è u titulu eponimu di u dischettu o u tempu chì passa ma sopratuttu canti tradiziunali (Minicola, Francesca Maria, Diu vi Salvi Regina è u famosu Beata Funtanella), accumpagnati da strumenti più o menu muderni. « Issu primu dischettu intornu à u tradiziunale s’impunia, aghjusta a canterina, per mè era un umaggiu à tutti quelli chì anu sulcatu a mo zitellina. » Trè anni dopu, escia « Fiara », tredeci creazione in umaggiu à a vita paisana cù scritti è cumpusizione fatte per l’artista. Infine, « Ora Serena », esciutu in u 2015, tratta di a natura, l’amore, a sperenza o a passione. Quì l’artista cumpone. Cusì, è strada facendu, cumencia à esse rinumata. « Aghju cantatu dapertuttu in Corsica è ancu altrò, à u stranieru ch’eru intermittente di u spettaculu. »
Un statutu chì li permette d’avè parechje barrette (face cantà i zitelli in e scole dapoi vinti anni…). À tempu, cummencia un percorsu d’animatrice per a Frequenza Mora (una croneca nantu à i pruverbii…). Un percorsu di vinti anni è cullaburazione cù Caramusa è Petru Guelfucci... « Un omu strasordinariu... »
Per festighjà i so vinti anni, u spettaculu battizatu « Passu à passu » cù Cristofanu Mac Daniel à l’accunciamenti è Marc’Andria Castellani à a ghitarra, hè privistu per girà. « Ci seranu creazione uriginale è ripresi di canzone corse o d’altrò (Italia, Catalogna) è, di sicuru, un umaggiu resu à Petru Guelfucci.
Anghjula Potentini serà u 15 di marzu à l’Albore in Bastia è u 27 d’aprile à l’Aghja in Aiacciu. Frà tempu, travaglia, deci anni dopu à « Ora Serena », nantu à u so quartu dischettu. « Dec’anni, hè l’età di u mo figliolu. Aghju pigliatu u tempu chì ci vulia. »
Un dischettu dighjà bè avanzatu chì puderia esce à a fine di l’annu.
Origine : Journal de la Corse
Evenimenti
Cumemurazione di a battaglia di Ponte Novu mercuri l’8 di maghju 2024
26 d'aprile | Ponte Novu
27a Fiera di u casgiu in Venacu i 4 è 5 di maghju
26 d'aprile | Venacu
Prugettu di trasmissione radiufonica di a Fiamma Olimpica
25 d'aprile | Radiu è Internet
Prima guerra mundiale: L'associu Aiò Zitelli mantene a memoria di i suldati corsi
29 di marzu | Corsica è Francia
Raid Oxy'Jeunes aventure : iscrizzione sin'à u 30 d'aprile
29 di marzu | Centru di Corsica
Riapertura di u Parcu Galea in Tagliu Isulaccia dumenica u 17 di marzu di u 2024
8 di marzu | Tagliu Isulaccia
Felì è u giru storicu pè i so 35 anni di carriera
24 di ferraghju | Corsica è Francia
Inaugurazione di u Centru d'Interpretazione di l'Architettura è di u Patrimoniu Aiacciu Bellu
15 di ferraghju | Aiacciu
I 20 anni di l’emissione Cabaret di RCFM
27 di ghjennaghju | Biguglia
I 40 anni di a casa d’edizione Albiana
23 di ghjennaghju | Aiacciu
U catalogu di a mostra “Corsica 39-45 I Corsi è a seconda guerra mundiale', museu di Bastia
12 di ghjennaghju | Corsica
I 50 anni di a rivista Etudes corses et méditerranéennes à l’edizione Albiana-ACSH
6 di ghjennaghju | Corsica
A mostra “L'Altru Mondu, La Mort dans l’écrit” sin’à l’8 di marzu à l’Archivii di Corsica in Bastia
4 di ghjennaghju | Bastia
Un novu diplomu di Statu di prufessore di musica tradiziunale è canti corsi
2 di ghjennaghju | Aiacciu è Corti
Sustegnu à RCF Corsica
21 di nuvembre | Aiacciu
SYVADEC : distribuzione d'assuvatoghji
7 di nuvembre | Cismonte
A Cullettività di Corsica crea Ghjuventù, a nova appiecazione pè i giovani da 11 à 30 anni
10 d'ottobre | Corsica
I 30 anni di u Centru Culturale Universitariu
3 d'ottobre | Corti