Voce Nustrale

Nutiziale culturale

Corsica
27 di lugliu

Primu numeru di a rivista I Vagabondi

Avè l'anima vagabonda, passendu da a litteratura à u ritrattu, da u disegnu à a partizione musicale, da u rumanzu à a fascia figurativa, da a puesia à a caricatura... Eccu u spiritu di a rivista I Vagabondi, a nova rivista semestriale isulana, chì u primu numeru hè dispunibule in ogni libreria. 'I vagabondi' rimanda à l'Accademia di i Vagabondi, creata in u 1650 da u vescu di u Nebbiu, Carlo Fabrizio Giustiniano, riaperta in u 1749, una sucetà litteria in tempu di Paoli è u 1978. Sparghjia l'idee nove in ogni duminiu di a vita culturale, di l'insignamentu è di a litteratura. 'U titulu rimanda dinù à i vagabondi vale à dì l'attori culturali d'oghje, spessu straziati' cum'ellu dice Jean-Jacques Colonna d'Istria, editore di a rivista cù Scudo edizione.

In stu numeru, si puderà leghje u fuglittinu d’Aristide Nerrière, « La maison sur la mer », una bellissima prosa di Farrah Trabelsi « Alger », « Noratlas », induve Norbert Paganelli conta un viaghju da Sartè à Bône è un studiu da u 1958 à u 1962, data di l’indipendenza di l’Algeria, Romain Gary disegnatu da Nino è l’artista Nicole West, « Entre Corse et Algérie » de Jean-Pierre Castellani, « Quale saranu quessi », un testu redattatu in corsu da Ludovic Baris-Pezet, « La mer comme manque » , una puesia redattata in francese è in arabu, « Détruire Carthage » da Amin Khan o ancu una partizione di « Dicu di nò », canzona scritta da Patrizia Gattaceca nant'à una musica di Ludovic Marcaggi. U secondu numeru di dicembre 2021 tratterà in particulare di a difesa di l'ambiente è di a sessualità in Mediterraniu.

'U prugettu di a rivista hè natu, à principiu, in leia cù u Festivale Romain-Gary, chì hè statu attempatu per via di a crisa, è chì deverebbe fassi nant'à a cumuna di Sarrola-Carcupinu in u 2022. Un evenimentu litterariu internaziunale. Parechje belle riviste esistenu digià, in particulare in u duminiu litterariu, ma l'idea era veramente di creà una prima rivista generalista. Dopu avè ricevutu quasi centu participazione, a squadra hà creatu un veru 'ogettu' artisticu, cuntenendu creazione litterarie, puetiche, pitturale o ancu fotografiche, nant'à e tematiche di Romain Gary è di l'Algeria. D'altronde, in sta rivista, 'a dimensione mediterrania hè primurosa cum'è a diversità è a ricchezza di e pruduzzione liendu e duie sponde' aghjusta Jean-Jacques Colonna d'Istria.

Evenimenti

Dante Alighieri in a rivista Musanostra

16 di settembre | Corsica

Scuperte archeologiche in Cutuli

15 di settembre | Cutuli

28u festivale BD à Bastia

14 di settembre | Bastia

27u Settembrinu da u 31 d'aostu à u 4 di settembre

28 d'aostu | Tavagna è Costa Verde

Circondi è detti di pastori

22 di lugliu | Corsica

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza