22 di ma
Ricerca d'attori pè un affrescu storicu
S'appronta in Cervioni un spettaculu storicu. Un prugettu purtatu da l'ADECEC in u quadru di u pattu lucale Costa Verde, iniziatu da a Cullettività di Corsica. Si tratta d'un puntellu à prò di i citadini è di l'attori lucali, un prugettu europeu pè migliurà azzione publiche, cunservà, prutege, favurizà è sviluppà u patrimoniu naturale è culturale. Un arnese pè amparà è cullaburà. Frà i so ogettivi, quellu di sperimentà metudi innuventi pè migliurà a leia identitaria trà i musei, lochi di cultura è i territorii assicurendu a durabilità mutuale è u sviluppu socio-ecunomicu. A messa in risaltu di a lingua corsa hè dinù in core di stu pattu lucale. A direzzione di u patrimoniu di a CDC hè rispunsevule di a messa in opera di l'azzione è di e cullaburazione cù i musei di Livia è di Merusaglia, a cumunità di cumune di Costa Verde chì hà sceltu l'ADECEC cum'è capu di reta.
Frà l'azzione ritenute, u spettaculu vivu nant'à a ghjunta di Teodoru di Neuhoff in Cervioni. U prugettu s'ispira di un'opera teatrale rializata cù i paisani di A Porta nant'à u tema Rè di a Corsica, una decina d'anni fà, è ne prupone un'adattazione in core di Cervioni, capitale storica di a Corsica. Pè stu spettaculu, a scena serà a piazza di a catedrale di sta cumuna. U publicu hè invitatu à campà a ghjunta triunfente di u rè è a so stallazione à u palazzu episcupale. Pè rializà stu prugettu, di ghjugnu prossimu, si manda una chjama à attori benevulenti. Donne è zitelli averanu roli minori ma omi deveranu interpetà u rè Teodoru, Ghjacintu Paoli, Luiggi Giafferi è Ghjuvan Andria Ceccaldi. In tuttu, una rializazione cù 30 è 40 persone in i roli di i zitelli, paisani è paisane, canterini è ghjucadori di Mora. E persone interessate deveranu participà regularmente à e ripetizione dirette da Francine Innocenzi. Iscrizzione : 04 95 38 12 83.
Evenimenti
I Fochi Paoli in Merusaglia u 21 di maghju
21 di maghju | Merusaglia
Fiera di a Casinca San Brancà da u 12 à u 15 di maghju
10 di maghju | U Castellà di Casinca
I 530 anni di a cità d'Aiacciu
26 d'aprile | Aiacciu
Premiu 'Livre Hebdo 2021' pè a casa d'edizione Albiana
8 d'aprile | Parigi
Cunferenza d'Alain Di Meglio : 40 anni di lingua corsa à l'università
8 d'aprile | Moriani
Mostra Miel et une abeille à u museu di l'Alta Rocca
18 di marzu | Livia
Parcu Galea: riapertura u 13 di marzu
9 di marzu | Tagliu Isulaccia
A rivolta di l'orti in Campile
24 di ferraghju | Campile
Cunsulta per l'avvene di u cunventu d'Orezza
13 di ghjennaghju | Orezza
8 di dicembre: festa di l'Immaculata Cuncezzione è di a Nazione
1u di dicembre | Corsica
Coutumes et moeurs des Corses
18 di nuvembre | Corsica
Riedizione di Pesciu Anguilla
18 di nuvembre | Corsica
Aiò TV, un novu media isulanu
30 d'ottobre | Corsica
Géologie de la Balagne cristalline
22 d'ottobre | Balagna
Università di Corsica : 40 anni
15 d'ottobre | Corti
I laureati di u premiu di u libru corsu 2021
17 di settembre | Corsica
Dante Alighieri in a rivista Musanostra
16 di settembre | Corsica
Scuperte archeologiche in Cutuli
15 di settembre | Cutuli
A canzona Sintineddi, simbulu di sulidarità cù i Libanesi
10 di settembre | Corsica-Liban
Dantissimu, una prugrammazione evenimentu pè i 700 anni di a morte di Dante
7 di settembre | Bastia, Corti è Aiacciu