Nutiziale culturale

Scontri di Calinzana da u 17 à u 24 d’aostu

Stu Festivale festighjeghja un quartu di seculu di musica, di passione è di scontri in core di a Balagna. 25 anni di storie spartute, di note suspese, di fedeltà… è sempre a listessa brama di fà campà a musica induv’ella ribomba u piu naturalmente in i paisaghji, e petre è i silenzii di sta terra.

Pè st’edizione anniversariu, 30 cuncerti si sparghjenu in 23 lochi magnifichi, 19 cumune di Balagna. Chjese barocche, piazze di paesi, giardini, cappelle… facenu d’ogni cuncertu una manera di celebrà un territoriu è a bellezza di a musica, ch’ella sia classica o cuntempuranea. Dapoi a so creazione, u festivale Scontri di Calinzana difende un prugettu artisticu esigente è generosu. Face dialugà e grande opere di u ripertoriu cù e scritture d’oghje, cuncoglie artisti famosi è talenti novi. Cusì, offre à u publicu una sperienza musicale intima, viva, propiu umana.

Riservazione : https://rencontresdecalenzana.fr