Nutiziale culturale

STC : 40 anni !

Quarant’anni fà, nascia u STC (u Sindicatu di i Travagliadori Corsi). Un’organisazione di poca durata pè l’osservadori è rispunsevuli pulitichi è sindicali di tandu. 40 anni dopu, hè diventatu a prima organisazione sindicale di Corsica. Eccu avà a storia di l’organisazione. Toccu u 1982, salariati corsi cù altri corsi (genitori d’elevi, insignanti, cumercianti, artigiani, prufessiunali di salute…) s’organiseghjanu in a Cuncolta di l’Associi Naziunalisti. Cusì, volenu difende l’interessi materiali è murali di i so aderenti, è à tempu i diritti naziunali di u populu corsu è l’interessu cullettivu corsu cum’elli a facenu  i militanti publichi o clandestini di a LLN (Lotta di Liberazione Naziunale, strategia di lotta nant’à tutti  i terrenis diretta tandu da u FLNe). Di ghjennaghju 84, un articulu di U Ribombu “Contraputere è cumplementarità di e lotte ind’a strategia di liberazione naziunale”  lascia induvinà a futur nascita di un sindicatu LLN. Una creazione in u quadru di a necessità pè u muvimentu publicu di creà una dinamica di a vita publica corsa è d’organisassi nant’à  i settori d’attività di a sucetà corsa ingiu à u tema d’autodeterminazione ». Avemu dinù azzione d’associ fora di e strutture francese. Per esempiu, quelle di l’associu di u Tabaccu nant’à dui siti corsi di u SEITA o di l’Associu naziunalistu di i trasporti urbani d’Aiacciu. 

In u 1985, i sindicati francesi accusanu u STC di senufubia, di cumplicità cù u terrustismu, di cumpiacenza cù u patrunatu corsu, di prova di divisione di u mondu di u travagliu.  Critiche cuntestate da u sindicatu  in u librettu “Liberazione suciale” . I sindicati francesi provanu à cuntrarià a so impiantazione è impedillu di participà à l’elezzione prufessiunale. l’organisazione corsa deve scumbatte dinù contr’à a froda eletturale è pruvucazione. Di ghjugnu 1985, u STC si dà una Cumissione esecutiva naziunale di 15 membri è un Cunsigliu naziunale d’una cinquantina di membri chì rispechja una presenza nant’à a Corsica sana.  Eleghje u so primu secretariu generale, Bernard Trojani, enunziendu chì libération naziunale è suciale vanu inseme  […]. E manuvre di u Statu ùn riescianu micca à fà spari u sindicatu chì multiplicheghja e vittorie in l’elezzione.

U STC hà tenutu u so 12u Cungressu in Aiacciu i 13 è 14 di maghju 2023 cù l’elezzione à l’unanimità di u novu primu secretariu generale : Patrick Clémenceau-Fieschi dopu i tredeci anni di mandatura di Jean Brignole, è dopu à Etienne Santucci è Marie-France Giovannangeli.  L’anniversariu hè statu dunque festighjatu u primu di maghju in Corti.