Nutiziale culturale

21u festivale « Histoire(s) en Mai » da u 20 à u 23 di maghju in Bastia, Biguglia è Venacu

Da u 20 à u 23 di maghju, Bastia, Biguglia è Venacu accuglieranu stu festivale, vera istituzione creata da Michèle Corrotti. Sta volta hà da prupone una riflessione prufonda nant’à u sensu di a Storia è u rolu di u storicu-filosofu. L’evenimentu, sempre curiosu d’interrugà u passatu, si rinnuvelleghja sempre in lochi di scontru sempre novi. Cusì, Histoire (s) en Mai si tramuta cù spassighjate in cità è in trenu. 

• Mercuri u 20 di maghju à duie ore : apertura à a Bibliuteca di Bastia cù Adrien Genoudet nant’à “L’archiviu, a memoria visuale di a Storia”, è dopu una spassighjata in omagiu à Angelo Rinaldi, scrittore natu in Bastia, giurnalistu è membru di l’Accademia francese. A spassighjata hè di rigalu ma ci vole à riservà :  06 81 19 90 74 / 04 95 58 46 07. A duie ore dinù Bertrand Puard serà à a libreria Les P'tits bidules, 16 corsu Paoli pè signà i so libri di giuventù.
• Ghjovi u 21 à 9 ore : Ghjurnata di riflessione cù una masterclasse di filosufia à u cullegiu Simon Vinciguerra è una reunione à 6 ore à mediateca di u centru di cità nant’à «E lezziò di a storia » cù Adrien Genoudet, Bertrand Puard, Christophe Miqueu, Philippe Peretti.
• 2 ore : seminariu filosoficu à a mediateca di u centru di cità : Forme di vita cù Didier Ottaviani, Pierre-Yves Quiviger, Nathalie Peyrebonne, Christophe Miqueu.
• Venneri u 22 à 3 ore : Cunferenza di Jean-Baptiste Raffalli nant’à u vechju Bastia à a mediateca di u centru cità, è dopu, scontru à a mediateca di Biguglia cù l’autori di l’edizione Maurice Nadeau nant’à “u rumanzu storicu cum’ellu si scrive, si traduce, s’editeghja…” Participazione di Gilles Nadeau, Gilles Zerlini, Vicente Luis Mora, François-Michel Durazzo, Paul de Brancion
• Sabbatu u 23 à 8 ore menu dece, Histoire(s) en mai piglia u trenu di i scrittori da Bastia à Venacu eppo vulterà in Bastia. A u prugramma : letture, scontri litterari è visita cuntata di u paese cù Girandulibru. (Riservazione obligatoria : Participazione finanziaria di 18 euros pè a ghjurnata: https://www.helloasso.com/ 
• Di ghjugnu, u festivale accuglierà à l'autora pè a giuventù Guillemette Resplandy-Taï.
  
  - Di più infurmazione : histoiresenmai.corsica