Nutiziale culturale

Inaugurazione di a Strada Paolina in cunventu d'Orezza

L’esecutivu di a CDC hà inauguratu a Strada Paolina davant’à u cunventu emblematicu d’Orezza. Vole traccià cusì a via d’un antru turisimu, à traversu un itinerariu culturale, storicu, pedagogicu, è patrimuniale. U scopu hè di prupone un’offerta turistica fundata nant’à u patrimoniu, in particulare di mette in risaltu i lochi di memoria di e rivuluzione corse di u 18u seculu. Un primu percorsu serà apertu trà a Castagniccia, l’Alisgiani è u Rustinu à a fine di lugliu. U percorsu finale tuccherà u Boziu, u Curtinese, a Caccia è u Niolu in u 2025, pè i 300 anni di a nascita di Pasquale Paoli.