Nutiziale culturale

29u Cuncorsu di puesia corsa è gallurese Lungoni

Stu cuncorsu hè apertu à tutte l’opere nove, mai publicate o premiate in altri cuncorsi. Ùn ci hè micca temu. E puesie ponu esse in rime o nò. A participazione hè di rigalu. I puemi devenu esse mandati solu à st’indirizzu di currieru elettronicu di a cumuna di Santa Teresa di Gallura in Sardegna : info@comunestg.it. L’ogettu di u mail deve esse 'PREMIO DI POESIA “LUNGÒNI 2024”. Hè raccumandatu di mandà dui file pè ogni opera presentata : un file anonimu purtendu u titulu, a cumpusizione è a sezzione lingua corsa o gallurese. Stu file deve esse in .doc (cù un testu mudifichevule word). U secondu file cù u titulu di a puesia, u nome è a casata di l’autore, locu è data di nascita, u numeru fiscale, indirizzu, numeru di telefunu è indirizzu mail. Sta volta, u file deve esse in .pdf (micca mudifichevule).

E puesie devenu esse mandate nanz’à u 14 di ghjugnu di u 2024 à un’ora di u dopu meziornu. I premii seranu rimessi u 16 d’ottobre à 4 ore, Piazza Vittorio Emanuele I in Santa Teresa di Gallura. Pè avè di più infurmazione, u situ www.comune.santateresagallura.ss.it/