Nutiziale culturale

Sartène, 1583. Une histoire corse di Guillaume Stalloni, edizione Scudo

Stu rumanzu storicu conta un’epupea in un cuntestu di cunfrontu trà e civilisazione è e religione, scritta da un autore passiunatu di raconti d’aventure è di a storia di u Mediterraniu. Eccu a storia : dapoi ch’ellu hà ripigliatu u putere in u so palazzu d’Alger,  u rè Hassan Veneziano hè un suvranu suldaghju, crudele è nimu vole cuntradillu. Ne mancu Ali, u so secretariu particulare, chì s’addispera quantunque. Ma, un ghjornu, hà l’occasione d’opponesi à e so vuluntà guerriere.

À tempu, in Corsica, Andrea Ciccanese, u podestà di a cità di Sartè scumbatte pè cunvince l’autorità genuvese di prutege megliu l’abitanti per via di e debulezze difensive di a cità. Ma u so figliolu hè sparitu. Cusì, Ali è Andrea Ciccanese sò i riprisentanti di civilisazione opposte. Eppuru, anu i listessi valori di cuncordia è di pace ind’un’epuca turbata induve accadenu guerre d’influenza è cunflitti religiosi. I destini di i dui omi anu da scuntrassi durante una ghjurnata tragica di l’annu 1583.