Nutiziale culturale

Les républiques des Lumières, de la Corse à l’Amérique française, di Thibaut Dauphin, edizione Spondi-Le bord de l’eau

Eccu u primu libru di a cullezzione “Les Lumières” chì Jean-Guy Talamoni dirige pè l’edizione Le Bord de l’Eau !

Et sì a Corsica di Pasquale Paoli, sminticata da e grandes rivuluzione muderne, avessi influenzatu quantunque e lotte di liberazione assai luntane da u Mediterraniu ? È sì u so eredu paradussale, Napulione Bonaparte, avessi cuntribuitu à sparghje stu pensamentu puliticu isulanu in modu indirettu sin’à u Canada francese è à l’America latina ? Ghjè a scumessa ardita di stu libru chì prupone una lettura nova di u paolismu cum’è matrice di un republicanismu schjaritu è chì hà francatu l’Atlanticu.

Luntanu da l’opposizione classica trà u demucratu Paoli è l’autocratu Bonaparte, l’opera mette in risaltu e so cunvergenze ideologiche : suvranità pupulare, pedagugia civica, tulleranza religiosa, usu strategicu di a prupaganda... Elementi si ritrovanu ind’è persunalità di u republicanismu americanu cum’è u canadianu Louis-Joseph Papineau è incarnanu, ognunu à modu soiu, una variante di u republicanismu corsu adattata à u so cuntestu culuniale o postculuniale. Fendu un’analisi paragunativa fundata nant’à discorsi, currispundenze, testi custituziunali, l’autore seguita e circulazione d’idee da Corti à Parigi sin’à Montréal. Rimettendu a Corsica in core di e rivuluzione atlantiche, stu libru schjarisce una genealugia ch’omu ùn pò induvinà è ramentanu chì certe idee, venute da un’isuluccia, ponu avè un destinu cuntinentale. 

Thibaut Dauphin hè duttore in scienza pulitica, cercadore assuciatu à l’università di Bordeaux è di Corsica. Specialistu di l’idee pulitiche è in particulare di i Lumi, i so travaglii si fondantu nant’à quistione di suvranità, di republica, di rivuluzione è di laicità, fendu lià u pensamentu mudernu à l’imbusche cuntempuranee.