Nutiziale culturale

Bonifacio au fil de l'histoire, scrittu da un cullettivu direttu da Alain Di Meglio è Emilie Tomas, edizione Albiana

Nant’à i so tippali di calcare biancu, di fronte à a Sardegna, Bunifaziu affascineghja per via di i so paisaghji è di a ricchezza di a so storia. Daretu à e so strette pitturesche è i so muri si piatta una cità influenzata da millenarii di storia, di scontri è di scambii. Toccu a preistoria, ci campanu i primi abitanti. In l’Antichità, Bunifaziu hè unu di i lochi induve passanu i stradoni cumerciali di Mediterraniu, prima di diventà, à u Medievu, una piazza d’arme strategica cù un’influenza genuvese maiò chì si ritrova per esempiu cù u parlà Bunifazzinu. In a storia, assalti, cunflitti è rivalità ammaniscenu u so destinu. 

Ci vole à sapè chì u situ hè statu u sugettu di tante publicazione, ghjurnate universitarie, monografia, articuli, libri, mostre cù numerosi universitarii, cercadori, eruditi di Corsica è d’altrò. Toccu l’annu 2008, ci hè stata a vuluntà di publicà un libru monograficu di sintesi. Fubbe rialisatu sott’à a cuurdinazione di i ben di Toussaint Sorba, François Canonici è altri cuntributori. Quasi vint’anni dopu, ci hè vulsutu à attualisà sta mansa di cunniscenze : da a donna di Bunifaziu à a nostra epuca, da a furmazione geologica di u situ à l’epuca d’oghje, u libru “Bonifacio au fil de l’histoire” prupone una lettura rinnuvellata di u locu fundendusi nant’à tutte e periode chì anu fattu u so territoriu è a so storia. Avemu dinù tematiche nove è i risultati di l’ultime ricerche. Via 9000 anni di storia in leia cù a presenza umana. 

L’opera hè stata diretta da Alain Di Meglio, aghjuntu à a cultura, è Emilie Tomas, archeologa di u medievu in cullaburazione cù Kévin Pêche-Quilichini, Gaël Brkojewitsch, Vannina Marchi Van Cauwelaert, Michel Vergé-Franceschi, Erick Miceli… In tuttu, più di cinquanta cuntributori. Un numeru storicu pè Bunifaziu. Si pensa dinù à i piunieri di a storiografia bunifazinca : Jean-Baptiste Marzolaccio, Jean-Baptiste Monnier, Charles Ferton…