Voce Nustrale

Nutiziale culturale

Corsica
19 di nuvembre

Architectures fortifiées en Corse Studià - Cunservà - Tramandà, Michel-Édouard Nigaglioni, edizione Eolienne

Da i siti protostorichi à e strutture di a Seconda Guerra mundiale, u paisaghju furtificatu in Corsica hè assai diversu. à parte da l'età di u Bronzu, siti furtificati illustreghjanu digià a suffisticazione di e strutture difensive di sta perioda. Castelli è torre sò elementi di un’organisazione suciale è d’una necessità di prutezzione. Durante l’Antichità, e furtificazione sò ancu di più rifinite, soprattuttu cù a ghjunta di i Rumani. U situ d’Aleria hè un esempiu maestru di sta perioda simbulisendu a putenza rumana è a so capacità à fà entre i territorii cunquistati in a so reta difensiva. 

À u medievu, spuntanu novi castelli è torre custruiti da i signori lucali ind’un cuntestu di feudalità. Ste strutture sò lochi di difesa, di surveglianzaa è simbuli di putere. A fine di sta perioda è quella chì vene dopu vedenu dinù u sviluppu di i presidii genuvesi, dopu di e torre genuvese nant’à e coste pè cuntrullà l’isula è prutegesi da l’invasione barbaresche. 

Durante a perioda muderna, pè u più à u XVIIIu seculu, u putere francese face custruì numerosi forti è opere difensive pè rinfurzà a so duminazione. E furtificazione si muderniseghjanu, accugliendu l'artiglieria pè risponde à l’evuluzione di e tecniche d’assaltu. Durante a Seconda Guerra mundiale è a perioda nanzu, a Corsica hè inserita in u sistemu difensivu di a ligna Maginot. In stu quadru, ste furtificazione sò puntelli di a strategia difensiva francese, in particulare durante l’occupazione è a liberazione di l’isula.

A cunservazione è a valurisazione di stu patrimoniu architetturale abbisognanu un intrattenimentu permanente o nò secondu i casi pè ch’ellu fermi testimone vivu di a storia. Sta valurisazione hè una sfida pè e generazione attuale è future. Ci vole à sapè dinù cuncilià priservazione è accessibilità.  

St’architetture, chì marcanu i territorii, contanu una storia longa, fatta di strategie, di puteri è d'adattazione. Stu libru Architectures fortifiées en Corse ripiglia l’atti di u cullocchiu ARCHITETTURE FURTIFICATE IN CORSICA : STUDIÀ - CUNSERVÀ - TRAMANDÀ organisatu in u 2024, chì cuncoglie cercadori presentendu i prugressi i pù recenti di a ricerca in i duminii di l'archeolugia, di a storia è di e scienze di u patrimoniu. Prupone una lettura rinnuvellata di e forme, di e funzione è di l’evuluzione di sti siti, in u cuntestu mediterraniu. Ghjè dinù un’invitazione à trasmette un patrimoniu isulanu rimarchevule quant’è fragile. 

Cultura

A lingua corsa amparata cù u metudu numericu SLT

19 di nuvembre | Corsica è Mondu

Esciuta di u numeru 8 di a rivista Lumi

13 di nuvembre | Internet

Tombe di u Neoliticu scuperte in Albertacce

30 di settembre | Albertacce

Scavi archeologichi in Tavera

11 d'aostu | Tavera

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza