Nutiziale culturale

Scavi archeologichi in Tavera

L’archeologhi di u Laburatoriu Regiunale d’Archeolugia anu da compie a tredecesima è ultima campagna di scavi nant’à u situ di I Casteddi. Un’ultima tappa avendu sbuccatu nant’à parechje scuperte chì hè cuminciata à principiu di lugliu. Difatti, daret’à i rampali di sta piazza forte, spunta una cumunità assai più pruspera è aperta nant’à u Mediterraniu ch’omu credia à l’iniziu. U primu sundagiu hà palisatu vistiche protostoriche è dopu ci hè vulsutu parechji anni di scavi. In u filu di l’anni, anu trovu un veru paese induve si fabricava ceramica è ogetti metallichi à l’età di u ferru (versu l’annu 1000 nanz’à Cristu). Resti d’un fornu di stazzona sò elementi di un’attività artigianale maiò.

D’altrò, anfore vinicule greco-italiche, lucerne, ghjuvelli in vetru fabricati à parte da a materia d’ogetti ghjunta da u mediu oriente illustranu a participazione di stu situ à e grande rete cumerciale mediterranie. S’hè scupertu dinù elementi d’accessori vestimentarii chì sò segni di ricchezza. Sta nova campagna permette di cunclude à un’occupazione di u situ toccu u Neoliticu per via di numerosi pezzi d’ossidiana, una petra vetrosa ghjunta da Sardegna. Oramai, a fine di i scavi de permette una publicazione pussibule di i travaglii pè u publicu in u 2028.