Nutiziale culturale

Marinagi, u novu libru di Alain Di Meglio è Philippe Pierangeli, edizione 8 Studio Scamaroni

Marinagi, Piscaiù di Bonifazziu, Gesti e Üsi di u Mà. Ghjè un libru di puesie è di prose d'Alain Di Meglio, prufessore emeritu di l'Università di Corsica, cercadore insignante in sociolinguistica è di Philippe Pierangeli, autore fotograffu è editore. I Bunifazinchi di a Marina (di u portu) sò una piccula cumunità furmata da un’immigrazione anzituttu napulitana, ghjunta à praticà a pesca prufessiunale è cuncolta dapoi a fine di u XIXu seculu ind’a cunfraterna Sant’Eramu.

Venendu ellu stessu da sta cumunità, Alain Di Meglio tratterà di sta cultura lucale plurilingua, a so lascita culturale è cultuale trà sfarenze è integrazione. Trà lingue bunifazinca, corsa è francese, l’autori ci pruponenu un Chjami rispondi trà dui linguaghji, a scrittura è a fotografia.