Nutiziale culturale

Salvaticume, a seconda racolta di nuvelle di Joseph Antonetti, Òmara Edizione

Dopu à Corsican Way of Life, diventatu un libru di riferenza parechje volte rieditatu, Joseph Antonetti volta cù una racolta di testi corti avendu un’intensità maiò. In sti raconti, l’autore prova à sundà ciò chì l’omu porta di più scuncertente, una viulenza intima, spessu ritenuta, ogni tantu scatinata, ch’ellu ci vole nè à magnificà nè à scusà, ma osservà cù una lucidità spietata. Da e terre casinchese di l’autore à i paisaghji più luntani di l’Irlanda o di i Stati Uniti, ste storie facenu una cartugrafia allargata di e tensione umane, di i raporti di duminazione è di e scelte impussibule. I persunagi — Andria, Ceccu, Eion, White Dog — avanzanu  trà ciò ch’elli patenu è cio ch’elli devenu fà pè campà. Altri sò inciaccati da una meccanica incarnendu una tragedia induve i roli sò sò distribuiti nanzu. Senza esutismu, a Corsica chì traversa ste pagine si palesa roza, fruntale, luntana da e banalità. 

A scrittura d’Antonetti scunvoglie per via di a so efficacità narrativa è a so capacità à fà spuntà, in core di i raconti scuri, una malancunia discreta, un’umanità fiacca ma sempre vibrante. Salvaticum hè un livre arradicatu da veru in a memoria cullettiva, chì interrugheghja u nostru raportu à a viulenza, à a storia è à a rispunsabilità.

Joseph Antonetti, natu in u 1984, campa è scrive in A Venzulasca. Bancalaru di prufessione, si fece cunnosce cù “Corsican way of life”, purtatu à u teatru da Pierre Savalli in u 2022.

L'opera serà dedicata venneri u 13 di marzu à 6 ore à a Casa di e lingue in Bastia, carrughju Sant'Anghjuli. À tempu, un scontru forte trà l’autore è Jean-Yves Acquaviva, trà memoria, verità, è ancu respunsabilità.