Nutiziale culturale

U cuncorsu Lingua Materna vintu da a squadra di u dizziunariu di l’associu Studii corsi

Dapoi sei anni, u cuncorsu Lingua Materna, purtatu da u centru culturale universitariu, prupone à i studianti d’imaginà prugetti in lingua corsa è pè a lingua corsa. L’anni passati, prugetti sò stati creati ingiru à fasce figurative, ghjochi di sucetà, legende, filmi corti, mostre fotografiche, ballu, traduzzione di a Custituzione di Paoli da u talianu à u corsu… Quist’annu, a ghjuria hà ritenutu a creazione d’un dizziunariu in lingua corsa nant’à u situ internet https://dizziunariudialinguacorsa.com. I creatori sò Carlu Dumenicu Bianchi, Matteo Caputo, Dumè Cavagnaro, cù l’aiutu di Téo Ducasse è Ghjuvanni Clementi pè l’acconciu numericu di stu situ. Anu ricevutu u premiu à u Spaziu Natale Luciani.

U scopu di stu cuncorsu hè di prumove a spressione creativa in lingua corsa è a spressione di a cultura corsa in parechje discipline. Unu di i criterii pè vince. Quist’annu, i studianti di Studii Corsi sò andati à cercà studianti webmaster pè cuncepì un Dizziunariu di l’associ studii corsi participativu, redattatu solu in lingua corsa nant’à u mudellu di Wikipédia. Tutt’ognunu pò purtà dunque a so cuntribuzione. In u 2026, u cuncorsu hè statu organisatu in u quadru di a prugrammazione di  « E ghjurnate di a lingua materna », à l’università da u 24 à u 26 di ferraghju. St’evenimentu prupone una riflessione nant’à a piazza di e lingue materne è minuritarie in i raconti cuntempuranei, grazie à e pratiche audiovisive è a creazione artistica.