Nutiziale culturale

Nova chjama à prugetti : Leghje è cumedie 2026-2027 di a CDC sin’à u 20 di settembre 2026

Dapoi u 2023, sta chjama à prugetti ghjova à favurisà a creazione è a diffusione di spettaculi vivi in lingua corsa in leia cù u premiu « Leghje Eleghje ». Ghjè una manera di prumove u teatru pè i giovani in lingua corsa, valurisà a pruduzzione litteraria in sta lingua, permette di scuntrà l’artisti corsi è e so creazione, è dinù à i zitelli d’assiste à riprisentazione di spettaculu vivu in lochi di u so territoriu. I ziteli cuncernati so elevi in scola materna è primaria. Cù sta chjama à candidature, si dumanda à i prufessiunali isulani di travaglià nant’à adattazione/creazione in lingua corsa in leia cù i libri selezziunati in u quadru di u premiu  « Leghje Eleghje ». Un bislinguismu hè pussibule pè capi megliu u spettaculu. 

In quant’à u Premiu di i Giovani lettori di Corsica « Leghje Eleghje », hè statu creatu da e sezzione di giuventù di e Mediateche territuriale Cismonte è Pumonte. In cullaburazione cù l’Educazione Naziunale stu premiu hè apertu à tutte e scole materne è primarie dipendendu da a reta di lettura publica in e cumune di menu di 15 000 abitanti. A finalità hè di ricumpensà u libru preferitu di ogni elevu chì vota.

A data limita pè mandà e candidature hè u 20 di settembre 2026. Pè avè tutte l’infurmazione nant’à e mudalità, si pò cunsultà u situ https://www.isula.corsica/culture/CHJAMA-A-PRUGHJETTI-LEGHJE-E-CUMEDIE-2026-2027_a6949.html