Nutiziale culturale

I Maistrelli, institutrices et instituteurs de Corse De la belle époque à 1914. Libru direttu da Denis Jouffroy edizione Albiana

Stu libru entre in quadru d’una storia di l’educazione in Corsica, duminiu di ricerche induve e publicazione sò numerose dapoi quasi vint’anni. L’ogettivu hè di cuntà a storia di l’istitutrice è l’istitutori di a perioda 1890-1914 in Corsica. Sti maistrelli, grazia à e so cuntribuzione à a grande inchiesta di Jacques Ozouf à principiu di l’anni sessanta 1960, nant’à l’insignanti chì anu principiatu a so carriera nanz’à u 1914, anu furnitu rinsignamenti storichi maiò. Avemu dunque in stu libru a publicazione di i 36 quistiunarii rinsignati. St’ultima hè cumpletata da schjarimenti è analisi di sti dati grazia à una squadra di cercadori è insignanti-cercadori di l’università di Corsica.

A missione è l’azzione di i maistrelli, donne è omi, permettenu di cunnosce una lettura preziosa è nova di a storia generale cuntempuranea di a Corsica è di a so sucetà. Annunzianu è accumpagnanu a so mudernisazione quant’à l’avanzata generale di e tenniche agricule, industriale, di i trasporti… A prufessione conta dinù u so campà, speranze è penseri. Ùn appieca solu e prescrizzione naziunale, anu avutu idee nove è sò stati dinù piunieri di trasfurmazione suciale è pulitiche.