A mostra “Tribbiera” à e vigne Culombu di Lumiu

Lumiu
2 di lugliu

A mostra “Tribbiera” à e vigne Culombu di Lumiu

Sin’à u 7 di ghjugnu di u 2025, creazione artistiche cù ritratti neri è biancu di a tribbiera, ritrattati da Olivier Sanchez, è a pittura culurita è muderna di l’artistu pop art Dumè Reginensi. Tutti l’anni, a tribbiera si face à e vigne Culombu di Etiene Suzzoni cù u travagliu di i boii, l’incuragimentu è i canti di i pastori. Avemu quì una mostra tradiziunale è muderna pè un duvere di memoria à prò di u sapè fà. Sò mistieri antichi chì sparisceranu da quì à qualchì annu. Cusì, sta mostra serà una testimunianza pè e generazione future. Avemu quì una puesia in fiure. Si vede, si sente, si rispira. Pianu pianu si ne vanu à l’altru mondu, l’ultimi attori è testimoni di sta tradizione agricula, ma Olivier Sanchez hà sappiutu illustrà i gesti, i visi, i sapè di quelli chì a praticheghjanu sempre. A mostra hè dinù un omagiu à l’abbate Ange-Michel Valery chì benedia sempre u granu, l’omi è l’animali à principiu d’ogni tribbiera. Avemu dinù u ritrattu di Charles dettu Loulou Bellini, anzianu merre di Vallecalle è pruprietariu di boii, smaritu in u 2022, è chì hà fattu rinasce a tribbiera in u so paese.

Artisti

À l'intimu, u novu dischettu di Petru Bracci da scopre in showcase à a FNAC di Furiani sabbatu u 29 di marzu à 4 ore è mezu

27 di marzu | Corsica

Nutiziale culturale