Nutiziale culturale

In a me strada, u sestu dischettu di Natali Valli

“In'a me strada” hè u sestu dischettu di l’artistu purtivechjacciu fundatore di I Surghjenti. Un’opera chì Natali Valli, guidatu da Michel Leonardi, hà vulsutu fà cù duetti di giovani canterini : Guy Canarelli, Stéphanie Guerrini, Mathias Deiana, Michel Solinas, Gianluca Cucciari, Jean Crispi, Denis Buffignani… U canterinu vole cuntinuà à mette in risaltu i giovani cum’è persunalità di u cantu corsu anu messu in risaltu à Natali Valli quand’ellu era giovanu.

“In'a me strada”, hà 17 tituli in lingua corsa influenzati da famosi artisti chì anu accumpagnatu l’artistu dapoi sempre o quasi : 'Brel, Brassens, Moustaki, Barbara… Famosi parullaghji di lingua francese, corsa è altre lingue.” Serà l’ultimu dischettu pè a scrittura, a cumpusizione è a canzona.