Nutiziale culturale

Esciuta di Corsu Mezu Mezu 3

Dopu u successu di Corsu Mezu Mezu 2, u prugettu di Patrick Fiori festighjeghja i so dece anni cù un novu dischettu. A u prugramma frà i canterini corsi A Filetta, Christophe Mondoloni, Francine Massiani, Canta u Populu Corsu, Voce Ventu, Eppo, Orizonte, Suarina, Joseph Pastinelli,  Diana Saliceti, Alizée… D’altrò, ritruverete à Francis Cabrel, Santa, Marc Lavoine, Christophe Willem, Jean-Louis Aubert, Zaz, Véronique Sanson, Jérémy Frérot, Matt Pokora, Patrick Bruel, Il Cello è tant’altri…  Frà e nuvità, e canzone “Terra d’amore” cantata da Patrick Fiori, Il Cello, Joseph Pastinelli, o “Cara Mariuccia”, adattazione di Petite Marie di Francis Cabrel, cantata cù A Filetta.

Cusì, senterete e più belle canzone corse cantate da i più famosi artisti. Tutti si ritruveranu pè un cuncertu di prima trinca à l’Orange Vélodrome di Marseglia u 23 di maghju di u 2026.