Nutiziale culturale

Antifragile, u novu dischettu di I Muvrini

Cù stu novu dischettu, I Muvrini transfurmeghjanu a bellezza corsa in sinfunia sunora. E 15 canzone correnu cum’è fiumi è anu un titulu forte, forte quant’è a nostra capacità umana à prufittà di l’ustilità, ma dinù à ingrandà è diventà migliore. Ghjè l’”antifragilità”. Ind’una pop tradiziunale ancu di più raffinata, una forza melodica sana, I Muvrini ci invitanu ind’una dimensione spirituale chì leia u celu è a terra. In st'opera, avendu una diversità d’arie è un sonu cum’è a musaica mediterrania, u gruppu mette in risaltu a “bellezza di resistenza” chì l’isule di u mondu celebreghjanu megliu chè nimu. 

Ci hè dinù una sfacciatezza, quella di e cuscenze chì cantanu, a sfida di u singulare chì porta l’universale. Antifragile hè un’invitazione à scopre di novu a tradizione chì si rinventa, chì sposa i soni d’oghje, pè vultà megliu à u soffiu pueticu di e so sponde isulane.